خواطر جت على بالي

البلوج ده مختلف شوية عن البلوجات اللي كتبتها قبل كده. أنا هاكتب فيه حاجات ملهاش أي علاقة ببعض بتيجي على بالي وانا قاعد مع نفسي. البلوج حاعمله تحديث كل شوية. ممكن ناس تتفق معايا أو تختلف. مش مهم. المهم إني هاكتب وخلاص اللي يحصل يحصل. أهم حاجة نتفق عليها هي اختلاف الرأي لا يفسد للود قضية.

...

من أسبوع كده بعت تويت لنجيب ساويرس وكان نصها كالتالي:

@NaguibSawiris Please ask Masrawy's developers to show the comment ratings (number of likes VS dislikes). This might turrn out to be useful.

الغريب إنه بعدها بحوالي خمس أيام لقيت مصراوي عمل نيو لوك وحط فيها الكلام اللي طلبته. مش عارف لو ده كان صدفة أو لأ بس أنا طبعا سقف طموحاتي لازم يعلا النهارده بعت التويت دي:

@NaguibSawiris It'll also be useful "Actually useful for #Masrawy" that people login using their Facebook account to write their comments

خلينا نشوف اللي حيحصل :)

...

النظام المصري البائد نجح إنه يخلي الشعب المصري يفقد قدرته على الإقناع والإقتناع. للاسف احنا بقالنا فترة بنمشي بالنظام التالي: دايما اللي فوقك بيفهم أكتر منك وإنت تسمع كلامه. اللي تحتك يسمع كلامك. اللي جنبك اللي صوته أعلى يكسب. كانت النتيجة إنه أول ماالنظام مشي الناس كلها قعدِت تجعر.

...

جو الفتونة اللي شغال اليومين دول تحت مسمى الدفاع عن الإسلام, أنا بس عايز اقولكم إنه الاسلام بدايته كان الرسول عليه الصلاة والسلام لوحده "والله معه". لو مكنش اخلاقه سمحة وجميلة كان لا يمكن حد يتبعه. في القران: "ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ [النحل:125]" شفتوا "وَجَادِلْهُمْ بِالَّتِي هِيَ أَحْسَنُ". يعني المفروض الرد على الإساءة مايكونش أبدا بالإساءة وفرض العضلات خصوصا مع ناس إنت واجبك إنك تحميهم.

...

العالم الإفتراضي دلوقتي بقى وجه اخر للعالم الحقيقي. خلي بالك على كلامك اللي بتكتبه أو بتقوله أو بتدونه.

http://www.youtube.com/watch?v=hWlq1p2UcuU

...

إذا كان بعض الناس ماتعرفش إنه بعض المذاهب المسيحية لا تعترف بالإسلام كدين. بيقولوا على المسلمين "اتباع محمد". إذا كانت دي حاجة تضايقك ابدأ بنفسك ومتناديش الناس بحاجة ممكن تضايقهم. كونك قلت لواحد يا مسيحي أو يا قبطي مش كفر بالله ولا حاجة.

...

في حاجات تانية فبالي بس حكتبها بعدين ان شاء الله. عندي شغل كتير اليومين دول...

سلام :)